Latest Post

A Biblioteca en cifras 2017

Un ano máis presentamos A Biblioteca en cifras 2017, unha especie de memoria anual na que facemos un Resumo dos datos máis salientables do ano 2017: Materiais más prestados, orzamento, préstamo de ordenadores, servizos 2.0 e outras actividades desenvolvidas ao longo do ano.

Ademais de aportar os datos necesarios para o seguimiento nos cinco últimos anos, saliéntase a actividade realizada cos recursos dispoñibles, indicando a evolución dos mesmos, o que nos permite o establecemento de novos obxectivos, co fin de adecuar o Servizo ás necesidades das facultades que atendemos e da comunidade universitaria en xeral e, en especial ao Espazo Europeo de Educación Superior, no que nos atopamos xa inmersos.

A pesares dos atrancos, sobre todo económicos, destes últimos anos, a Biblioteca sigueu ofrecendo un servizo de calidade, e adaptándose sen demora aos novos retos que supón a converxencia europea para as universidades.

Esta “Memoria 2017” permite coñecer a realidade da Biblioteca, tanto de forma cualitativa como cuantitativa, e permite compararnos cos do resto das bibliotecas universitarias, grazas ao cal dispoñemos do recurso necesario para que a nosa análise se realice dentro dunha contorna xeral, o que enriquece enormemente a información ofrecida.

Os Servizos

Considerando o número de alumnado de grao, terceiro ciclo e títulos propios para o ano 2017, con TUI activa nos tres graos, contamos con 4,20 m² por usuario, cifra que nos sitúa entre as mellores relacións das bibliotecas universitarias españolas.

Evidentemente, o alumnado que acode ás nosas instalacións pertence a todas as titulacións da USC, e incluso do resto do sistema universitario de Galicia. Isto permite que as salas de lectura da biblioteca continúen a ser das máis utilizadas da BUSC, con 1.052 postos de lectura en total, que se poden utilizar durante 352 días de apertura anual.

Orzamento

O orzamento global da biblioteca para adquisición de documentos (libros, revistas, DVDs,..)  situouse en torno aos 158.000 €., sendo o maior dos últimos 5 anos, cun aumento significativo  tanto na aportación centralizada da Vicerreitoría de Investigación como dos centros e proxectos de investigación

Despois do retroceso destes anos é significativo o aumento de máis de 15.000 euros para a adquisicións de publicacións periódicas rachando así a tendencia dos últimos anos

Formación

Ao longo do ano a Biblioteca continuou co calendario de formación para alumnado de primeiro curso de Grao en Dereito, Políticas e Relacións Laborais. Contamos coa colaboración dos Decanatos das tres titulacións así como dos profesores responsables de Grao que nos ceden as súas horas de clase para impartir estas formacións e motivan ao alumnado para que asistan.

Tamén se impartiu formación máis especializada en busca documental para alumnado de doutoramento en dereito e do título propio de Criminoloxía.

Neste ano 2017 os cursos impartidos foron 17, aos que asistiron un total de 512 persoas. A Biblioteca participou igualmente, como cada ano, na Xornada de acollida que os Decanatos organizan para o novo alumnado na que, a través dunha amena presentación, puideron coñecer as nosas instalacións, colecións e servizos.

Redes sociais

Continuouse coa consolidación da presenza nas redes sociais: blog Fonte Limpa, Facebook ( máis de 3400 fans), Issuu, ou Pinterest, o noso recurso para difundir as novidades bibliográficas, con máis de 8.700 pines.

Advertisements

Arquivo

RSS Feed descoñecido

  • An error has occurred; the feed is probably down. Try again later.

Categorías

Advertisements
10º Aniversario da Biblioteca Concepción Arenal
Código QR

Estatísticas do blog

  • 13,615 visitas