Fonte limpa
Benvido a Fonte Limpa, o blog da Biblioteca Concepción Arenal.
O nome do noso blog tomámolo da denominación que o pobo outorgaba á Real Audiencia de Galicia. Creada polos Reis Católicos, constituía unha eficaz garantía de Xustiza contra a anarquía social existente e os abusos e ambicións dos nobres. A Audiencia substituía así as armas e a violencia polo Dereito. Foi tal o prestixio e a boa consideración que obtivo entre o campesiñado que era coñecida como fonte limpa.
As sentenzas da Real Audiencia eran comunicadas no auto galego, que Herbella de Puga cualificou como “A mellor allaxa que El-Rei ten no seu reino de Galicia, que como auga mata o lume e impide as violencias e liortas dos seus vasalos“.
Como os outros blogs da BUSC, o da Biblioteca Concepción Arenal pretende ser un medio de información para a Comunidade Universitaria sobre o que acontece na Biblioteca Concepción Arenal, que ten como finalidades:
- Difundir as actividades, fondos e servizos da Biblioteca Concepción Arenal.
- Manter informados ás usuarias e aos usuarios das novidades da biblioteca.
- Potenciar a participación de usuarias e usuarios nas actividades da biblioteca.
- Establecer unha canle de comunicación e participación máis directa entre o usuario e a biblioteca (potenciando a súa vertente máis lúdica e atractiva), para poder detectar as tendencias e as necesidades que o usuario poida ter.
Así pois, a través de Fonte Limpa farémosvos chegar novidades relacionadas coa Biblioteca referentes a recursos de información, servizos, actos públicos, actividades de formación, horarios, etc. así como novas de interese sobre calquera tema relacionado coa información relacionada coas ensinanzas impartidas nas Facultades de Dereito, Ciencias Políticas e Sociais, e Relacións Laborais.
Animámosvos a participar comentando as noticias, ou ben dirixindo as vosas propostas para novos contidos a derprest@usc.es.
Moderadores:
- Anxo Doval Rey
- José Francisco Méndez García
Facebook
Issuu
Pinterest
Youtube
El link a facebook no funciona porque en vez de poner http debe de poner https.
Un saludo.
Posted by Lucía | 22 Agosto 2012, 18:02Grazas. Xa está corrixido.
Saúdos.
Posted by carenal | 24 Agosto 2012, 15:55Tampoco veo los marcadores de Delicious
Posted by Lucía | 22 Agosto 2012, 18:24Grazas, esquecéramos eliminalo posto que aínda estamos estudando e traballando coa ferramenta.
Posted by carenal | 24 Agosto 2012, 15:54