O Congreso dos Deputados presentou hoxe a dispoñibilidade dende a súa páxina web da consulta das gravacións de audio (ficheiros en formato mp3) das intervencións correspondentes ás lexislaturas Constituinte, I, II, III, IV e V, permitindo así esta dixitalización a que accedamos a todas as sesións das lexislaturas comprendidas entre 1977-1996.
Esta iniciativa súmase ao proceso de modernización e dixitalización emprendido pola Cámara nos últimos anos. En total son 18.000 vellas cintas magnéticas de bobina aberta que foron pasadas a formato dixital para poñelas a disposición de todo aquel que se queira mergullar nas sesións parlamentarias daqueles anos e escoitar as voces dos seus protagonistas.
Queremos lembrarvos que ademais do son ou o vídeo desde 1977 ata os nosos días, o Congreso dixitalizou xa todos os Diarios de sesións desde 1810, anque polo inmenso volume que ocupan -medio millón de páxinas- ainda non é posible acceder a este arquivo a través da web da Cámara.
Na Biblioteca Concepción Arenal dispomos dos múltiples formatos en que se foron publicando os Diarios ao longo do tempo. En papel, en microfilm, e en CD-ROM, DVD ou en tarxeta USB. Agardamos que para finais deste ano tamén se poidan consultar todas as votacións (co nome e os apelidos dos deputados), que se produciron no Congreso dende 1977.
Aznar instando ao presidente do Goberno Felipe González a que presente a súa dimisión ante os feitos políticos ocorridos
Disponse de gravacións a nivel de sesión completa e a nivel de cada unha das iniciativas tratadas en cada sesión.
Queres escoitar a Fraga ou Carrillo nos debates constituintes? Aquí protagonizan un momento anecdótico na Comisión
O acceso ás intervencións realízase a través da páxina pública do seguinte xeito:
– No menú Deputados:
- Seleccionar a lexislatura.
- Seleccionar o deputado.
- Facer clic no enlace “Intervenciones Parlamentarias” e elixir no menú que aparece debaixo se se queren ver as intervencións Por orde cronolóxica ou Por tipo de iniciativa.
- Facer clic na icona do altavoz da intervención que se quere escoitar.
– No menú Intervencións (tanto no buscador simple como na opción de busca avanzada):
- Seleccionar a lexislatura.
- Seleccionar o criterio de busca e facer clic no botón “Buscar”.
- A pantalla de resultados permite acceder ao audio de cada iniciativa nos seguintes niveis:
- 3.1 Sesión. Inclúe tamén a opción de descarga.
- 3.2 Orador.
Acceso ao arquivo de audio por lexislatura:
- Lexislatura Constituinte (1977 – 1979)
- I Lexislatura (1979 – 1982)
- II Lexislatura (1982- 1986)
- III Lexislatura (1986 – 1989)
- IV Legislatura (1989 – 1993)
- V Lexislatura (1993 – 1996)
Fonte: El Confidencial, El Congreso digitaliza su archivo de audio de 1977 hasta 1996. Noticias de Tecnología [consulta 07/05/2015]
Conversa
Aínda non hai comentarios.